BINTANGOR: Ari pengagit ngintu Mantar Gawai, Kaban Kunsil Nengeri (ADUN) Meradong, Datuk Ding Kuong Hiing udah ngatur penemuai ngagai dua buah rumah panjai ba sitak Meradong ngambi nyuaka bantu kerusi asur ngagai dua orang tuai ke bisi penanggul mindah.

Bantu nya udah disua ngagai Piau Itam, 78 taun, ari Rumah Rendu, Skim B Meradong enggau Ujoh Ambang, 77 taun, ari Rumah Maja, Sungai Baron.

Pia mega, bantu nya udah diterima sida sebilik ti ngintu dua orang tuai nya.

Datuk Ding ngarapka bantu tu ulih ngelempung tating sida ke ngintu orang tuai mindah ke bukai ninting hari.

“Aku arap dua orang tuai tu seruran gerai.

"Aku mega ngelalau sida sebilik liat ati nyaga seduai,” ku iya ba penemuai nya.

Iya mega ngarapka semua komuniti bela gerai maya ngintu pengerami Gawai Dayak enda lama da. – EDISI UKAS