KUALA LUMPUR: Presiden Taekwondo Malaysia ti mega Kaban Kunsil Nengeri (ADUN) Tanjong Datu, Azizul Annuar Adenan nurai sejarah kediri lebuh dipilih nyadi Mandal Presiden Majlis Olimpik Malaysia (MOM) ungkup penggal 2025-2029.
 
Iya bulih 81 undi enggau ti pemadu tinggi ari empat Mandal Presiden MOM ke bukai ba Aum Besai Ninting Taun MOM Ke-44 ditu kena Hari Enam.
 
Pengawa milih Azizul nya mega ngenegapka agi sektor lumba di Malaysia enggau Sarawak.
 
Seraya, Tan Sri Mohamad Norza Zakaria ngetanka penuduk Presiden MOM ungkup penggal 2025-2029 pengudah menang di darat ba Aum Besai Ninting Taun MOM Ke-44.
 
Bela matak perati iya nya pengawa milih Datuk Nur Azmi Ahmad nyadi Sapit Presiden MOM ti baru ngisi pangku pengawa puang ketegal penyandang iya nya ex-Presiden Serakup Main Bol Malaysia (FAM) Tan Sri Hamidin Mohd Amin enda ngetanka penuduk nya.
 
Nur Azmi ti mega Presiden Gempung Karate Malaysia (MAKAF) ngalahka Presiden Gerempung Lawn Bowls Malaysia (PLBM) Datuk Awalan Abdul Aziz ti menang 70-20.
 
Di baruh tu rintai semua komiti MOM ungkup penggal 2025-2029
 
Presiden: Tan Sri Mohamad Norza Zakaria
 
Sapit Presiden: Datuk Nur Azmi Ahmad
 
Mandal Presiden: Azizul Annuar Adenan/ Datuk Mohd Sumali Reduan/ Datuk Mohamad Iruan Zulkefli/ Nurul Huda Abdullah/ Datuk Choong Kim Fatt
 
Sekretari Dipebasa: Datuk Mohd Nasir Ali
 
Penulung Sekretari Dipebasa: Moira Tan Siew See/ Ahmad Arif Astaman
 
Tukang Wang: Datuk Ahmad Feisal Ahmad Tajuddin.
 
Penulung Tukang Wang: Datuk Subramaniam Veruthasalam - EDISI UKAS