BINTANGOR: Rumah Rami di Sungai Meradong ditu udah niri Gawai Nimang Betambak Bulu, kena Hari Enam tu tadi.

Kaban Kunsil Nengeri (ADUN) Meradong, Datuk Ding Kuong Hiing ti bisi datai ngulu gawai nya madah, pengawa nya sebengkah pengawa lama ti besai reti.

“Tu ukai semina adat ke patut dijaga kitai, tang mandang pengering identiti sereta pengaya pengarap lama bansa Iban," ku iya madah.

Gawai nya didiri peranak Rumah Rami dikena minta pengerai enggau pengelantang ari petara.

Kelia, gawai nya bela dikena meda pengelantang rumah panjai.

Datuk Ding maya nya meda semak agi pengawa ngatur gawai nya lalu beterima kasih laban bisi ngangauka iya bela datai.

"Aku mega besampi peranak rumah panjai tu semampai idup lantang. Adat baka tu patut ditanka kitai ngambi bisi dipeda rebak dudi," pia ku iya madah baru.

Bela bisi maya nya Tuai Polis Pelilih Meradong DSP Sekam Anoi enggau Sapit Chairman Parti SUPP Pampang Bintangor Chieng Boung Ong.-EDISI UKAS