MUKAH: Kaban Kunsil Nengeri (ADUN) Tellian, Royston Valentine ngelalau penerima geran Projek Mit Menua Pesisir (MRP) ngena agih belanja ke diberi nya ungkup pemaik rayat mayuh.

Ku iya, semua peminta ke udah ditisih deka dirintai nitihka pekara dikemeratka sereta ke lebih agi diguna.

Iya madah, serakup sereta Komiti Pemansang enggau Pengelikun Genturung Pendiau (JKKK) patut nganjung ripot belanja enggau pengawa ke diatur sida.

“Tu dikena kitai berati seraya nerenak ulah integriti ba komiti enggau rayat mayuh.

“Bisi RM485,000 diberi ngagai 51 penerima ari agih belanja MRP N.57 Tellian. Kitai arap semua gerempung ngena agih belanja tu enggau bejimat.

“Perintah semampai deka ngemanah chara ngagih geran ngagai gerempung nengah EFT, ukai ngena chara lama baka ngena chek baka dipeda kitai diatu,” pia ku iya.

Iya bejaku munyi nya ba pengerami nyua geran ditu, Hari Empat tu tadi.

Sama datai, Pegawai UKAS Sitak Mukah, Hafizzul Abdul Halim, Pengari IPD Mukah ASP Khairul Anuar Adeni, Raban Tuai Opis Perintah enggau KMKK. - EDISI UKAS